Guia di tarea di skol spesialisá

E programa di atardi ta kuminsá entre 12:30 i 13:00, ora nos ta risibí e muchanan i huntu ta disfutá di un kuminda kayente i saludabel. Asina nan por relahá un tiki i haña energia nobo pa kontinua ku e dia.

Despues di lunch, nos ta pasa na guia pa tarea di skol. E muchanan ta traha mas o ménos dos ora riba nan tarea, reparti den momentunan kortiku i fasil pa sigui. Di e manera aki, nan ta mantene miho konsentrashon i siñamentu ta bira mas agradabel i realisabel. Durante e momentonan aki, e muchanan ta risibí yudansa personal i intensivo dor di planifiká, traha i komprendé nan tarea.

Nos ta traha konsientemente den gruponan chikí di máksimo 8 mucha, dirigi pa dos guidado profesonal, pa asina kada mucha por risibí e atenshon nesesario. Despues di e trabou duru, ta momentu pa relaha i hunga, kaminda nos ta enfoka riba abilidat sosial i metanan personal.

Naturalmente nos ta soru pa kos pa bèbè, fruta i un snek saludabel pa e muchanan por pasa e atardi den bon kondishon. Entre 17:00 i 17:30, ta ora pa bai kas.

Si bo yu ta bai na un skol spesial òf ainda e no tin tarea, e programa aki ta sigi ta ideal p’é. Nos ta duna material di praktika i tareanan adekuá, ku paso pa paso ta yuda e mucha siña planifiká, konsentra miho i traha mas independiente.

Si no tin tarea di skol, nos ta ofresé materialnan desafiante adaptá konforme e nivel i nesesidat di e mucha. Nos ta usa varios método rekonosí, pa asina e material ta kòrespondé ku lokual e mucha ta siña na skol. Entre otro, nos ta traha ku:

🔤 Hulandes: Veilig leren lezen (grupo 3) i Taal actief (grupo 4–8)
🗣️ Woordenschat: Taal actief (grupo 4–8)
📖 Papiamentu: Salto (grupo 3) i Fiesta di Idioma (grupo 4–8)
🔢 Matematika: Alles telt Q i Wereld in getallen
💡 Junior Einstein: material ekstra pa idioma, matematika i habilidat di estudio

Nos ta tene kuenta ku e método di skol di e mucha, pa asina e guia por konekta bon ku e programa edukativo di kada yu.

Kada mucha tin su propio plan di kuido, kaminda e meta ta wordu deskribí di un forma bon kla.
Mayornan por sigui desaroyo di e yu via nos sistema online di segumiento di kliente, pa wak e meta ku ta wordu traha riba dje, e progreso ku a wordu logra i e punto ku mester mas atenshon.

Durante e vakashonnan di skol, nos ta habri di 07:30 te 17:30. Den mainta, nos ta traha riba tarea òf habilidat eskolar, i den atardi tempu pa aktividat sosial i dibertido, paso na Huntu pa e Yu siñamentu i plaser ta kana huntu.