Sosten apropiá sin preukupashon

E istoria tras di fundashon huntu pa e yu

Fundashon huntu pa e yu a lanta pa aportá na habitantenan, pa asina e yu ku tin un limitashon por partisipá na un manera agradabel den nos komunidat. E aporte ta salí for di konosementu ku a atkerí durante estudionan i kursonan i tambe for di eksperensianan ku a hasi den situashonnan privá i durante trabou.

Fundashon huntu pa e yu su meta ta pa kontribuí i aportá na un vakashon dushi na e turista i su famia kompletu. Fundashon huntu pa e yu ta ofresé e yu guia na e yu i su mayornan lokal. Esaki ta sosedé den estrecho konsulta ku mayor pa asina e guia pa kada yu/famia ta na nan nivel. Mayor por disfrutá sin preukupashon i tin tempu pa su mes mientras e yu ta na e guia den grupo òf ta haña guia individual. Fundashon huntu pa e yu ta spesialisá den guia pa outismo i tambe ta adekuá pa Fundashon “huntu pa e yu” ta spesialisá den guia pa outismo pero tambe den guia pa muchanan ku.

Kiko nos ta para pe

Mishon

Tur hende tin e derechi pa mas mihó ku ta posibel i na su manera partisipá den komunidat. Tin biaha mester di un ayudo òf un pèrsona ku ta pará banda di bo pa guia e yu òf famia den e proseso aki. Fundashon huntu pa e yu ta pone su konosementu, eksperensia i ekspertisio na disponibilidat pa asistí tantu e yu komo e famia den esaki.

Vishon

Tá huntu ta pará sentral serka Fundashon huntu pa e yu. Fundashon huntu pa e yu ke dediká su mes pa pone mas atenshon na guia pa outismo na Kòrsou i ke demostrá ku tantu e yu i famianan por tin benefisio na e guia aki. Fundashon huntu pa e yu ta ofresé e guia aki kontra di un preis sosial faborabel pa diferente gruponan di kliente.

Ken ta e motor tras di fundashon huntu pa e yu?

Komo kurason i motor tras di Fundashon huntu pa e yu mi enfoke ta riba outismo. Mi nomber ta Eline Wiermans. Riba 19 di ougùstùs 2021 mi a lanta fundashon “huntu pa e yu”. Durante di mi estudio di bachelor den ortopedagogia, mi interes pa traha ku hende ku outismo a bira mas grandi i prinsipalmente den mucha ku outismo ku su problemanan. Den mi bida privá tambe mi ta topa ku outismo. Despues di a terminá mi estudio Bachelor den ortopedagogia, mi a haña tambe e diploma post grado di outismo i inteligensia. Mientras tantu mi tabata traha komo guia ambulante i guia di famia ku hende ku outismo pa algun aña na Bélgika i Hulanda.

Banda di guia hende mi tabata ke mas responsabilidat den e sektor di kuido. Mi a hasi e estudio di bachelor den maneho despues ku mi a kaba bachelor ortopedagogia pa mi siña mas teoria tokante negoshi i dirigí negoshi. Despues ku mi a kaba esaki mi a haña sufisiente konfiansa i kurashi pa por a tuma e paso i lanta un fundashon aki na Kòrsou. Mi ke usa mi pashon, atenshon personal, struktura, klaridat i perseveransha durante guia hende i manehá fundashon huntu pa e yu.