E hende lokal
Guia individual
Nos ta spesialisá pa guia mucha I hòben ku outismo, ADHD I mucha ku ta benefisiá ku struktura I èkstra guia. Nos por duna guia individual na e mucha, mayornan i dosente. Guia por yuda engrandese independensia i yuda trese struktura i klaridat. Tambe por duna guia pa dyslexia, tareanan di skol, guia na skol òf trabou, guia pa siña regula emoshon i siko-edukashon. E lokalidat di e guia ta dependé di e metanan ku e yu tin. E lokalidat por ta na kas, na e lokalidat di fundashon huntu pa e yu òf unda e guia ta nesesario. Pa kada individual nos ta ofrese un trajekto adekuá mirando ku nos ta adaptá tur guia na e nesesidat di kada persona.
Guia pa famia
Si tin un mucha den un famia ku ta rekeri èkstra atenshon, esaki tin influensia riba henter e famia. E mucha por bai skol spesial òf haña èkstra guia, pero guia pa e famia tambe por ta agradabel. Mayornan ke lo mehor pa nan yu, pero tin bia tin falta di e konosementu nesesario pa por yuda. Pa mucha por ta bon si na kas tambe e por haña e struktura i klaridat. Pa mayornan i sobra famia i e yu ta agradabel tambe si bo por komprondé otro mihó. Guia pa famia ta pa henter famia. E guia ta konsisti di interkambio di informashon tokante e problemanan, abilidatnan praktiko, duna struktura i un hende pa skucha bo komo mayor. E guia ta adaptá na e situashon di e famia i e yu.
Guia den grupo
Nos ta spesialisá pa guia mucha I hòben ku outismo, ADHD I mucha ku ta benefisiá ku struktura I èkstra guia. Nos ta ofrese guia den grupo pa un mucha den kombinashon ku guia pa tareanan di skol. Banda di e tareanan di skol por traha riba dil ku struktura i klaridat, engrandese independensia, abilidatnan sosial, regulashon di emoshon i metanan personal. Guia den grupo ta disponibel durante periodo di skol di djaluna pa djabierne di 12:30/13:00 pa 17:00/17:30. Durantie fakansi por ofrese guia den grupo entre 8:00/8:30 pa 17:00/17:30 a petishon. Riba dianan di fiesta nos ta sera.
Guia pa alumno
Tin alumno ku mester di un èkstra ayudo pa por progesa den enseñansa. E guia por yuda klarifiká e programa di dia, e reglanan di klas i di skol, kon pa nota e tareanan di skol pa traha na kas, organisashon di artikulonan di skol i traha i siña tareanan na skol òf kas. E guia pa alumno individual por ta na skol, kas of na huntu. E guia pa alumno por ta den grupo tambe den kombinashon ku guia pa tareanan di skol pa kas.
Guia pa maestro
Tin bia un dosente tambe por tin e nesesidat pa èkstra yudansa of faltakonosementu pa por yuda un alumno mas mihó. Nos ta ofrese siko-edukashon pa dosentenan pa asina nan tin mas konosementu pa por uda un alumno mihó. Tambe nos por ofrese ayudo pa optimalisá un klas, reglanan di klas, programma di dia òf indikashon di tempu. Di e manera aki ta krea un ambiente mas trankil i bon ordena pa e alumno. Nos por aportá na e plan di kuido di un alumno mirando ku nos ta ofrese ayudo na midí. E guia por ta individual pa un dosente òf den grupo pa mas ku un dosente.
Kompensashon
Na Kòrsou apenas konosé kompensashon pa guia di outismo. Sinembargo tin muchanan ku mester di e guia aki mientras ku nan ta bin for di famianan ku no tin e medionan finansiero pa por paga pa guia. Fundashon huntu pa e yu ke aportá tambe ku e ayudo pa e grupo aki ku si mester di dje pero ku tin un défisit finansiero. Fundashon huntu pa e yu ta ofresé e posibilidat pa guia personal, guia pa famia òf guia den grupo pa e yu na e habitantenan ku no tin òf tin tiki finansas. Profeshonalnan ta ofresé ayudo. Pa por yega na remarke pa e ayudo aki mayor por tuma kontakto ku fundashon huntu pa e yu. Lugánan ta limitá pa e ayudo finansiero aki. Pues fundashon huntu pa e yu ke hasi uso di esaki mas mihó ku ta posibel. Pa e motibu aki e kliente mester mustra ku e no por paga pa e tarifa regular di e kuido aki.
Plan den etapa
1. Sera konosí
2. Oferta & trayekto di guia
3. Kuminsá ku e kolaborashon
Kiko ta outismo?
Outismo ta un interupshon neurológiko den desaroyo for di e promé añanan di e yu.
E problemanan básiko di outismo ta falta kontinuo di komunikashon sosial i falta di interakshon sosial den diferente situashon (area A). Aki ta papia di tres karakterístika. Skarsedat di e obligashon di duna bèk riba tereno sosial-emoshonal (1). Skarsedat di tin un relashon, mantené i komprendé esaki (2). Skarsedat di e komportashon sosial pa ku komunikashon no verbal na momentu ku ta anda ku otro (3).
Banda di e skarsedat kontinuo den e komunikashon sosial i interakshon sosial mester tin tambe sierto patronchinan di komportashon, interes òf aktividat limitá ku ta ripití (area B). Aki ta papia di kuater karakterístika. Stereotipo òf moveshonnan motóriko ku ta ripití, uso di obhetonan òf abla (1). Pegá na mesun rutinanan òf ritual den patronchinan den komportashon (2). Interes fiho hopi limitá ku ta apnormal intenso òf di fokùs (3). Reakshon eksagerá riba loke ta sinti òf interes eksaherá pa loke ta sinti pa ku aspektonan rondó di dje (4).
Na momentu ku tur e kondishonnan menshoná den area A i dos di e 4 kondishonnan menshoná den area B ta presente por papia di outismo. Banda di esei e síntomanan mester ta presente for di e promé añanan di e yu (area C). Tambe e síntomanan mester sòru pa limitashon i atakenan den e funshonamentu diario. (area D).
Bo ta nase ku outismo i den hopi kaso e ta algu eredá. Por pasa tambe ku via di genétika outismo ta desaroyá pa motibu di e faktornan den bisindario. Pues outismo ta un trastorno ku bo ta nase ku ne i no por kura Pa medio di entre otro guia, tratamentu, entrenamentu i/òf informashon bo por siña biba kune.
Tarifa
Ta difísil pa públika tarifa pa motibu ku kada mucha mester di guia riba su nivel. Si tin interés den guia individual, guia pa famia òf guia den grupo por yena nos formulario di kontakto òf WhatsApp ku e deseo i/òf petishoni nos ta tuma kontakto mas pronto ku ta posibel.
