Guia pa adulto
General
Guia ta apto pa tur adulto ku mester di èkstra guia òf struktura. Un diagnostiko pa risibí ayudo no ta nesesario tanten e adulto ta habrí pa haña guia. Durante di guia ta pone hopi atenshon na struktura, planiamentu, predesibilidat i klaridat. Nos ta spesialisá den outismo, pero e método aki ta funshona bon tambe pa hendenan ku entre otro ADHD, ansiedat, depreshon òf adultonan ku tin nesesidat di klaridat òf ku ta sufriendo di un burn-out. Lo adapta guia mas ku ta posibel riba e deseo i nesesidat di e adulto.
Guia individual
Nos ta brinda guía individual pa adulto. E guia por brinda ayudo pa entre otro engrandá e sentido di independensha, siña anda ku i trese struktura i klaridat, hasi e tópiko di gaming un posibel kòmbersashon, regulashon emoshonal i siko-edukashon. E lokalidat di guia ta depende di e metanan establesé. E lokalidat por ta na kas, na e lokalidat di Fundashon Huntu pa e Yu òf unda e guia ta nesesario. Pa kada individual nos ta ofrese un trajekto adekuá mirando ku nos ta adaptá tur guia segun e nesesidat di kada persona.
Pa mas informashon tokante gaming, klek aki.
Job coach
Komo job coach nos ta brinda, guia na adulto. E guia por siña e trahadó anda ku i trese struktura i klaridat den su bida, siña prosesá i anda ku estimulonan, siña plania i pone un balansa entre trabòu i bida privá. E guia por duna e doño di trabòu entre otro konseho riba e temanan di komunikashon, kon pa e muebla e espasio, kon trata e empleadonan i siko-edukashon. Lo traha un plan di aserkamentu i momentunan di evaluashon regular entre e doño di trabòu i su empleadonan. E lokalidat di guia ta dependiente di e metanan establesé. E lokalidat por ta na kas, na e lokalidat di Fundashon Huntu pa e Yu òf unda e guia ta nesesario. Nos ta ofrese un trajekto adekuá mirando ku nos ta adaptá tur guia na e nesesidat di kada petishon. Job coaching semper lo tuma lugá i kombinashon ku guía individual, paso e situashon privá ta influensha e rendimentu di trabòu.