Gaming
Awendia no ta posibel mas pa separá gaming for di bida diario. Bo yu ta konstantemente okupá ku gaming òf no tin balansa mas entre gaming ku bida sosial? E ta importante ku gaming por ta un kòmbersashon habrí, pero kon bo ta sòru pa esaki? SI bo ke mas informashon, bo ta na e lugá korekto.
Grupo di enfoke
Awendia mucha ta krese ku un smartphone, tablet i otro aparaton digital den man. Ya na un edat chikí nan sa eksatamente kon e aparatonan ta funshoná, pero nan no ta mira e peliger ku ta bin ku esaki. Pa mayornan ta fasil ora un mucha sinta trankil dilanti di un pantaya, pa asina haña tempu pa kushiná, yuda un otro mucha, òf pa sosega um ratu.
No solamente muchanan, pero tambe adolesente i adulto ta pasa mas tempu na gaming. Gaming ta forma parti di e bida diario, pero ta importante pa mantene un balanse saludabel entre gaming i bida sosial.
Gaming por ta dibertido, edukativo i relahante, basta ku e no tin efekto riba skol, amistad òf estado di ánimo di e mucha. Pesei ta importante pa papia abiertamente tokante gaming for di un edat chikí i mustra enterès den loke e mucha ta hasi.
Hopi gamer ta usa nan propio idioma, te asta fuera di e spèl. Pa un mayornan, ta balioso pa komprendé loke e yu ta papia — esaki ta fasilitá komunikashon i ta yuda pa papia klaro riba regla i limitenan .
💭 Preguntanan importante pa mayornan
❓ Na kua momentu tin un desbalans entre gamen i bida sosial?
❓ Kon lo mi, komo mayor, por papia tokante gamen sin diskushon òf pelea?
❓ Na kua momentu e komportashon di gamen ta bira problemátiko (sin ku ta trata di kaso di adikshon)?
❓ Kua por ta e kousa di komportashon di problemátiko ora ta trata gaming?
- noob
- pro
- bug
- easter egg
- clan
- clipping
- bunny hopping
- camping
- co-op
- cut scene
- DLC
- TDM
- FPS
- graphics
- framerate
- framedrop
- HUD
- LAG
- raid
- looting
- skeer
Método
Pa hasi gaming un tema ku por wordu diskuti abiertamente, nos ta usa e método Grip op Gamen.
E método aki no ta destina pa mucha òf hóben ku tin adikshon na gaming. E grupo aki mester wordu maneha diferente. Grip op Gamen ta enfoká na redusí e espasio habri di konosementu i komunikashon entre e gamer i su mayornan.
🎯 Gaming no tin solamente bandanan negativo. E por stimulá kapasidatnan positivo, manera perseveransia, trahamentu den grupo, pensamentu estrategiko i abilidat pa resolvé problema. Tambe lo por aplika e kapasidatnan aki den e bida diario, despues di haña un guia korekto. Pa e motibu aki, ta importante pa hasi gaming un tema ku por wordu diskuti abiertamente, pa asina mayornan i muchanan por komprendé otro mihó i siña huntu kon pa manehá e mundo digital di un manera saludabel.
👀 Hopi biaha un mucha den mundu di gaming ta wordu laga bai bastante lihe. E supervishon òf guia ta dje mimino, ku no ta tur biaha e mayornan sa kiko e yu ta hunga òf kua tipo di imagen i informashon e yu ta risibí. E método Grip op Gamen ta yuda pa inbolukra e mayor bek den bida di e yu pa di e manera aki, huntu, nan tuma desishonnan konsiente.
🚲 Un manera útil pa komprendé esaki, ta pa kompará gaming ku siña kore baiskel.
Komo mayor, bo ta siña bo yu kore baiskel ku wil den banda; Bo ta splika kon pa trapa, stur i frena. Ora e yu kumisa hasi esaki bon, bo ta kita e wilnan den banda i bo ta sigui praktika huntu pa mantene balanse. E por sosode ku e yu ta kai i lanta bek algun biaha, pero bo ta den serkania pa yudé i gui’é ora ta nesesario. Despues bo ta sali huntu pa praktika riba kaya. Bo ta siña bo yu règlanan di tràfiko i bo paso a paso bo ta duné mas independensia. Promé den serkania di kas, despues un tiki mas leu — te ora bo por konfia ku e ta sigur pa bai so.
Ku gaming, sinembargo, e proseso aki ta sosode diferente. E muchanan ta wordu hopi biaha solta sin guia den un mundu digital yen di estimulo, retonan i tentashon. Dor di esaki nan no ta siña kon pa game na un manera safe i sigur òf kon pa rekonosé peliger. Di e manera aki mayornan ta pèrdè kontrol di kiko nan yu ta hunga, ku ken i kon e ta afekt’é.
Ku Grip op Gamen nos ta yuda mayornan i muchanan pa pasa e proseso aki huntu, di un manera konsiente, ku komprenshon, regla kla i konfiansa komo fundeshi.
Guia
E kombersashon tokante gaming no semper ta fasil. Komo mayor bo tin tiki of niun konosementu di e mundu di gaming, mientras ku pa un gamer tur kos ta aparenta normal.
Pa por hiba un kombersashon tokante di gaming nos ta usa e Grip op Gamen Cards. E karchinan aki ta yuda pa hiba un kombersashon tokante gaming na un manera visual, lihé i sin tenshon tokante gaming.
Durante e guia nos lo trata sinku tópiko esensial:
🎮 Kua tipo di wega ta wordu hunga?
🕹️ Kon e weganan ta wordu hunga?
💡 Kua abilidat i interes e gamer tin?
💬 Pa kiko e gamer ta hunga?
⚖️ Tin un balanse òf desbalanse entre gaming i bida sosial?
Trahando ku e karchinan aki nos por haña mihó bista di e komportashon di e gamer, sea mucha òf hóven. E gamer ta risibí espasio amplio pa komparti su eksperensia, mientras ku e guiadó ta hasi preguntanan dirigi pa komprendé mihó kiko gamen ta nifiká p’e.
Ora nos haña un bista kla tokante e komportashon di gamen, nos ta traha huntu riba puntonan di akshon — pasonan chikí pa por haña un balanse saludabel entre gaming, skol, tempu liber i kontakto sosial.
E proseso aki ta di gran balor pa e mayornan, paso e ta yuda pa komprendé e mucha mihó i komuniká sin pleitu òf reproche. Di e manera aki e gamer ta haña un bista mas kla di su propio komportashon, i tambe e ta hañ espasio pa kresé den autoregulashon i responsabilidat.
Tarifa
Esaki ta e diferente tarifa ku nos tin pa kada seshon di 60 minut:
- Na huntu pa e yu: 55 Cg pa kada seshon.
- Na otro lokalidat na Banda Riba: 60,50 Cg pa seshon.
- Pa seshonan riba djasabra of parti anochi despues di 18:00 ta konta ku un toeslag di 10%.
Nos no ta aplika pago di inskripshon òf kontribuson di aña. Bo ke sa mas di nos manera di traha? Traha un sita pa un kombersashon pa sera konose ku nos grátis pa medio di nos formulario di kontakto òf WhatsApp nos libremente.