Guia edukativo
General
Nos guia edukashonal ta apto pa studiante ku mester di ayudo èkstra na skol òf ku tarea di skol. Banda di esei nos ta enfoká riba dosentenan ku mester di sostén òf ayudo pa brinda e studiantenan ku e ayudo apto. Guia lo wordu dirigí mas tantu riba e nesesidatnan di e studiante òf e profeshonal. Tambe nos ta brinda charla i tayer pa profeshonalnan ku ta deseá mas informashon tokante un sierto tópiko.
Guia pa alumno
Tin biaha un alumno mester di ayudo èkstra pa e por funshoná den enseñansa regular. E guia por yuda entre otro pa klarifiká e programa di dia i e reglanan di klas i skol, yuda ku e anotashon di tareanan di skol pa traha na kas, e organisashon di artikulonan pa skol i traha ku siña tareanan na skol òf kas. E guia por wordu hasi pa alumno individual sea na skol, kas, na Huntu i tambe e por sosode den grupo den kombinashon ku guia pa tareanan di skol pa kas.
Pa mas informashon tokante di guia pa tarea di kas, klek aki.
Guia pa dosente
Tin biaha un dosente tambe mester di èkstra yudansa òf e no tin sufisiente konosementu pa brinda un alumno un ayudo apto. Nos ta ofrese siko-edukashon pa dosentenan pa asina nan tin mas konosementu pa por yuda un alumno mihó. Tambe nos por ofrese ayudo pa optimalisá un klas, reglanan di klas, programma di dia òf indikashon di tempu. Di e manera ku ta krea un ambiente mas trankil i bon ordena pa e alumno. Mirando ku nos ta ofrese ayudo na midí, nos por aportá na e plan di kuido di un alumno tambe. E guia por ta individual pa un dosente òf den grupo pa mas ku un dosente.
Charlanan
Komo profeshonal e ta importante pa keda desaroya bo mes, profundisá i krese den bo konosementu i abilidat. Nos ta brinda charlanan na dosentenan, studiantenan, profeshonalnan den sektor di kuido, mayornan òf otro personanan ku tin interés den un charla.
Temanan ku por bini durante un charla ta:
- Kiko ta trastorno di espektro outista (òf trastornonan similar)?
- Trastorno di espektro outista den edukashon.
- Kon bo ta anda ku un hende ku trastorno di espektro outista.
- Kiko ta dislexia i kon bo por apoyá den esaki .
- Gaming i bida diario .
Si bo tin un tema spesífiko, semper lo bo por tuma kontakto ku nos i por delibera e posibilidatnan.
Tayer
Banda di charlanan nos ta brinda tayer na dosentenan, profeshonalnan den e sektor di kuido, mayornan òf otro persona ku tin interés den un tayer. Durante un tayer nos ta splika kon apliká e informashon aki den praktika na banda di splika e teoría.
Temanan ku bo por bini durante un tayer ta:
- Trastorno di espektro outista i edukashon.
- Trastorno di espektro outista i famia.
- Gaming i bida diario .
Si bo tin un tema spesífiko, semper lo bo por tuma kontakto ku nos i delibera e posibilidatnan.