Guia pre-eskolar spesialisa

Nos programa di mainta ta diseña kuidadosamente i adaptá segun nesesidat di kada mucha. Entre 07:30 pa 08:00 am nos ta risibí e muchanan, i despues nos ta kuminsá e dia huntu. For di 08:00 nos ta duna edukashon pre-eskolar adaptá, kompletamente na nivel i fase di desaroyo di kada mucha.

Parti mainta nos ta traha riba e siguiente áreanan:
🗣 Habilidatnan sosial i rekonose emoshon
🔢 Sifra i idioma
🏃 Motóriko grof i fini
🧠 Razonamentu i komprenshon
🧻 Entrenementu di uso di wc (si ta nesesario)
🏊 Landamentu pa sobrevivensia (1 biaha pa siman)

Nos ta traha prinsipalmente na Hulandés, pero tambe ta duna espasio pa abilidatnan básiko na Papiamentu i Inglés, segun e nesesidat di e mucha i su famia.

Nos ta traha den grupo chikí ku un máximo 8 mucha, ku 2 guia profesonal. Asina nos por duna tur mucha e atenshon personal i sosten ku e mester. Naturalmente nos ta soru pa kos di bebe, fruta i un snack saludabel tambe.

Entre 11:30 pa 12:30 di merdia, e muchanan ta wordu buska.

Bo yu ku (posibel) autismo no ta hasiendo bon den e opvang regular? Of e yu ta riba lista di espera pa edukashon adekuá; tuma kontakto libremente ku nos. Gustosamente nos ta yuda bo haña un solushon adekua pa e yu.

E desaroyo di kada mucha ta wordu vigila kuidadosamente. Via nos sistema di siguimentu di kliente online, mayornan por tin un bista den e guia di e yu; e metanan ku ta wordu atende, e progreso i e puntonan di atenshon ku mester di mas guia i sosten.

Nos ta habrí durante vakansi di skol tambe ku eksepshon di dianan di fiesta. Den e temporada aki nos ta ofresé un programa spesial pa vakansi, kaminda ta kombina edukashon ku aktividatnan dibertido, entrenamentu di habilidatnan sosial ku hopi plaser. Si ta deseá, e programa di mainta por wordu amplia ku e programa di atardi.