Turistanan
Guia pa e yu
Bo ta buskando un guia speshalisá individual pa bo yu durante di fakansi? Bo ta na e adrès korekto e ora ei! Nos ta speshalisá den guia muchanan ku outismo, ADHD i problemanan relashoná. Sin embargo nos ta enfoká tambe riba muchanan ku mester di èkstra guia òf k uta benefisiá di struktura.
Mientras bo ta gosa un mainta, mèrdia of anochi sin preokupashon di e isla, bo yu ta pasa un ratu plasentero ku e guia i atenshon korekto. Ta komponé guia a base di bo deseonan i nos posibilidatnan. E lokashon di guia ta dependiente di e deseonan di e mayornan i e yu. Esaki por ta na e lokashon di e yu, na Huntu òf kaminda ku e aktividat ta bai sosodé.
Guia por konsistí entre otro di bai laman, okupá e yu kreativamente, aktividatnan sensoriko òf otro aktividatnan ku e yu ta gusta. Durante di guia ta pone hopi atenshon na struktura, klaridat i previsibilidat. Tambe ta semper tene kuenta ku e posibilidatnan di e yu.
Guia pa e famia
Bo ke disfrutá di e bunita isla di Kòrsou, pero bo mester di apoyo èkstra ku esaki? Bo ta na e adrès korekto e ora ei! Nos ta speshalisá den guia muchanan ku mester di algu di èkstra guia.
Mientras bo ta bai eksplorá e isla ku famia, nos ta e èkstra par di man i wowo. Bo por, por ehèmpel, bai snòrkel, duik òf drumi trankil riba playa, mientras ku e y uta bai hunga den santu òf den awa ku e guia. Bo por bai wak e tiendanan den Willemstad trankil, mientras ku guia ta mantene e yu okupá. Bai wak e flamingonan, bai den un tour rondó di e isla òf disfruta di otro kosnan ku e isla ta ofresé.
Ta komponé guia a base di bo deseonan i nos posibilidatnan. Ya asina e famia por gosa mas tantu ku ta posibel.
Tarifa
Dor di e servisionan haltu ku Huntu ta ofresé nos no ta publiká tarifa. Si bo tin interes den guia, bo por laga nos sa bo deseonan via di e formulario di kontakto òf Whatsapp i nos lo tuma kontakto ku bo lo mas rápido ku ta posibel.
Na Kòrsou apenas konosé supsidio òf kompensashon pa guia di outismo òf otro desabilidatnan. Pero tin mucha ku tin mester di un guia asina ‘ki. Pues un parti di e entrada ku haña ku guia di turista, ta keda usá pa ofresé guia na habitantenan ku no por finansiá un guia asina ‘ki. Di e manera aki nos por akapará tur mucha ku mester di e ayudo. Kada mucha tin e derechi pa desaroyá su mes mas mihó ku ta posibel ku e sosten ku e mester.
