Sosten apropiá sin preokupashon

E istoria tras di fundashon huntu pa e yu

Huntu a wordu fundá ku e meta pa duna un kontribushon na komunidat — pa asina un mucha ku tin un limitashon por partisipá den sosiedat den un manera ku ta agradabel i komfortabel pa dje. E kontribushon aki ta basá riba e konosementu profesonal ku a wordu haña durante studionan i kursusnan, i tambe riba e eksperensia prátiko hañá den trabou i den bida personal.

Huntu pa e Yu ta oferé guiamentu spesialisá na habitantenan di Kòrsou ku tin nesesidat di mas struktura, klaridat òf sosten den nan bida di tur dia. Kada guiamentu ta wordu prepará na medida i den konsultashon ku e famia, pa asina kada mucha por risibí e atenshon i kuido korekto.
Nos ta spesialisá den guiamentu pa outismo, pero nos método ta tambe apropiá pa tur mucha ku ta haña benefisio di klaridat, kalma i presishon den su rutina.

Aparte di esaki, Huntu tambe ke duna un kontribushon na e sensashon di vakashon pa famianan ku ta bishitá Kòrsou. Mientras ku e mucha ta partisipá den guiamentu individual, e mayornan por disfrutá un momentu sin preocupashon, tuma un tiki pasenshi, i pasa un tempu agradabel huntu.

Kiko nos ta para pe

Mishon

Tur hende tin e derechi pa mas mihó ku ta posibel i na su manera partisipá den komunidat. Tin biaha mester di un ayudo òf un pèrsona ku ta pará banda di bo pa guia e yu òf famia den e proseso aki. Fundashon huntu pa e yu ta pone su konosementu, eksperensia i ekspertisio na disponibilidat pa asistí tantu e yu komo e famia den esaki.

Vishon

Tá huntu ta pará sentral serka Fundashon huntu pa e yu. Fundashon huntu pa e yu ke dediká su mes pa pone mas atenshon na guia pa outismo na Kòrsou i ke demostrá ku tantu e yu i famianan por tin benefisio na e guia aki. Fundashon huntu pa e yu ta ofresé e guia aki kontra di un preis sosial faborabel pa diferente gruponan di kliente.

Ken ta e motor tras di fundashon huntu pa e yu?

Komo kurason i motor tras di Fundashon huntu pa e yu mi enfoke ta riba outismo. Mi nomber ta Eline Wiermans. Riba 19 di ougùstùs 2021 mi a lanta fundashon “huntu pa e yu”. Durante di mi estudio di bachelor den ortopedagogia, mi interes pa traha ku hende ku outismo a bira mas grandi i prinsipalmente den mucha ku outismo ku su problemanan. Den mi bida privá tambe mi ta topa ku outismo. Despues di a terminá mi estudio Bachelor den ortopedagogia, mi a haña tambe e diploma post grado di outismo i inteligensia. Mientras tantu mi tabata traha komo guia ambulante i guia di famia ku hende ku outismo pa algun aña na Bélgika i Hulanda.

Banda di guia hende mi tabata ke mas responsabilidat den e sektor di kuido. Mi a hasi e estudio di bachelor den maneho despues ku mi a kaba bachelor ortopedagogia pa mi siña mas teoria tokante negoshi i dirigí negoshi. Despues ku mi a kaba esaki mi a haña sufisiente konfiansa i kurashi pa por a tuma e paso i lanta un fundashon aki na Kòrsou. Mi ke usa mi pashon, atenshon personal, struktura, klaridat i perseveransha durante guia hende i manehá fundashon huntu pa e yu.