Guia pa disleksia
Bo yu tin difikultat ku lesamentu, ortografia òf disleksia? Ta serka nos bo mester ta.
Grupo di enfoke
Nos guiamentu pa disleksia ta destina pa mucha ku tin un deklarashon ofisial di disleksia, pero tambe pa e mucha ku (ainda) no tin un deklarashon pero ta tene difikultat ku lesa, skibi òf ortografia den idioma Hulandes.
🧩 Na Kòrsou, hopi mucha ta krese ku varios idioma. Esaki ta un gran rikesa, pero por kousa konfushon ora ta siña lesa i skibi. Por ehempel, si bo ta kompara Papiamentu ku Hulandes, bo ta mira mesun lèter, pero bo ta tende un otro sonido. E relashon entre sonido i lèter – e konekshon entre loke bo ta tende i loke bo ta skibi – ta diferente den kada idioma.
📖 Un mucha ku ainda no ta domina e konekshon aki, por haña difikultat ku lesamentu, skibi òf korda règlanan di ortografia. Pa e motibu aki nos ta duna guia na e mucha pa siña e relashon korekto entre sonido i lèter pa kada idioma, pa e mucha por komprendé mihó kua sonido ta kòrespondé ku kua lèter.
👩🏫 Nos guiadónan tin konosementu di e relashon entre sonido i lèter tanto na Hulandes komo na Papiamentu, i ta guia e mucha paso a paso pa rekonosé e diferensianan. Ku e klaridat aki, e mucha ta gana mas konfiansa, mientras lesamentu i skibmimentu ta bira mas fasil i dibertido.
Método
Pa nos guiamentu pa disleksia, nos ta usa e método Taal in Blokjes.
E método sensomotóriko aki ta kombina lesa, skibi i ortografia ku e manera visual di mira palabra, pa yuda e mucha komprendé i korda idioma mihó.
🎨 Durante e guiamentu, e mucha ta siña konstrui palabra ku blòki di koló. Kada koló ta representá un sonido espesífiko:
🟩 Vokal kòrtiku
🟨 Vokal largu
🟥 Vokal komponé
🟧 Vokal silensioso
🟦 Konsonante
E koló ta mustra kon un sonido ta wordu pronunsiá, i e kantidat di blòki ta indiká kuantu lèter e palabra tin. Ku e kombinasión di mira, tende i hasi, e sonido ta bira tangible i visual. Esaki ta yuda e mucha pa komprendé i apliká règlanan di ortografia mihó.
📚 E método ta konsistí di seis fase konsekutivo. Nos ta kuminsá semper na e nivel di entrada ku ta wordu determiná durante e promé seshonan. Despues, e mucha ta pasa paso a paso den e diferente fasenan, segun su propio ritmo.
E método aki ta hasi lesamentu i skibimentu no solamente mas klaro, sino tambe mas dibertido — e mucha ta mira literal kon palabra ta forma, i asina su komprenshon i konfiansa ta krese.
Guia
Ora un mucha wordu registrá pa guiamentu pa disleksia, nos ta kuminsá ku dos seshon di observashon.
Durante e dos promé seshon aki, nos ta hasi diferente tarea di lesa, skibi i skucha, i tambe nos ta sera konosé e
Durante e seshonan siguiente, nos ta bai paso a paso ku e método, adaptá na nivel di e mucha.
Kada seshon ta dura mas o ménos un ora i ta kuminsá i kaba ku un diálogo kortiku tokante e tareanan di kas. Durante e guia, algun ehersisio ta wordu hasi huntu ku e guiadó, i e demas tarea ta wordu duna pa kas.
E ehersisionan ta konsistí di un meskla variá di:
🔤 relashon entre sonido i lèter (klank-tekenkoppeling)
🎧 tarea auditivo
✍️ diktado i règlanan di ortografia
🎲 spèl i ehersisio ku blòki
E variedat aki ta hasi ku e mucha ta siña di un manera divertí i efisiente, ku ta yud’é pa komprendé i korda mihó loke a siña.
Na kas, e muchanan por sigui praktika den nan kuaderno di trabou òf riba blachinan di ehersisio, òf skibi storia kòrti pa pone loke a siña den prátika.
Na fin di kada seshon, e guiadó ta rapòrtá riba kiko a traha durante e guiamentu, pa e mayornan por sigui e progreso di nan yunan den e sistema di segumiento di kliente online.
Asina e mayornan ta keda semper inbolukrá den e desaroyo di nan yu.
Tarifa
Esaki ta e diferente tarifanan ku nos tin pa kada sesion di 60 minut:
- Na Huntu pa e Yu: 55 Cg pa kada sesion.
- For di kantor – Banda Riba: 60,50 Cg pa sesion.
- Pa sesionnan ku kai pareu ku e tempu ku e yu ya ta na e grupo di Huntu, tin un deskuento di 45%.
- Sesionnan riba djasabra ta subi ku 10%.
Nos no tin pago di inskripshon òf kontribuson di aña. Bo ke sa mas di nos manera di traha? Traha un sita libremente pa un kombersashon pa sera konosi. E sita ta kompletamente grátis. Por kontakt nos pa medio di nos formulario di kontakto òf WhatsApp.