Proposishon guia
Bo ta buska guia pa bo yu, famia of skol? Nos tin e solushon! Guia na midí, kaminda nos ta tene kuenta ku e deseonan personal di e yu, mayornan i skol. E guia por ta individual òf den grupo chikitu di máksimo 4 mucha pa kada guiadó.
Bo ke sa mas di nos manera di traha? Traha un sita pa un kombersashon pa sera konosí ku nos grátis pa medio di nos formulario di kontakto òf WhatsApp nos libremente.
Guia individual
Nos ta spesialisá pa guia mucha I hòben ku outismo, ADHD I mucha ku ta benefisiá ku struktura I èkstra guia. Nos por duna guia individual na e mucha, mayornan i dosente. Guia por yuda engrandese independensia i yuda trese struktura i klaridat. Tambe por duna guia pa dyslexia, tareanan di skol, guia na skol òf trabou, guia pa siña regula emoshon i siko-edukashon. E lokalidat di e guia ta dependé di e metanan ku e yu tin. E lokalidat por ta na kas, na e lokalidat di fundashon huntu pa e yu òf unda e guia ta nesesario. Pa kada individual nos ta ofrese un trajekto adekuá mirando ku nos ta adaptá tur guia na e nesesidat di kada persona.
Guia pa dislexia
Guia pa dislexia ta apropiá pa muchanan ku tin un deklarashon di dislexia. Tambe e guia aki ta apropiá pa muchanan ku no tin un deklarashon di dislexia pero ta enfrenta difikultat pa lesa I skirbi e idioma hulandes.
Pa motibu ku muchanan ta siña diferente idioma na Kòrsou, e por trese konfushon pa siña skirbi I lesa un idioma bon. Si bo kompara papiamentu i hulandes ku otro, bo ta mira ku e mesun lèter hopi bia tin un otro zonido. E zonido ku ta mará na un lèter ta otro den diferente idioma. Esaki por trese kuné ku un mucha ta eksperensia difikultat ku lesamentu, skirbimentu òf ortografia. Pa atende ku e problema akí, ta importante pa un mucha siña kua zonido ta mará na kua lèter pa un idioma spesífiko. Nos guiadónan tin konosementu di e konekshon entre lèter i zonido den papiamentu i hulandes i por siña un mucha e diferensianan di mas importante. Pa mas infòrmashon primi aki.
Guia den grupo
Nos ta spesialisá pa guia mucha I hòben ku outismo, ADHD I mucha ku ta benefisiá ku struktura I èkstra guia. Nos ta ofrese guia den grupo pa un mucha den kombinashon ku guia pa tareanan di skol. Banda di e tareanan di skol por traha riba dil ku struktura i klaridat, engrandese independensia, abilidatnan sosial, regulashon di emoshon i metanan personal. Guia den grupo ta disponibel durante periodo di skol di djaluna pa djabierne di 12:30/13:00 pa 17:00/17:30. Durantie fakansi por ofrese guia den grupo entre 8:00/8:30 pa 17:00/17:30 a petishon. Riba dianan di fiesta nos ta sera. Pa mas infòrmashon primi aki.
Guia pa tarea di skol
Guia pa tarea di skol ta adekua pa muchanan ku mester di èkstra yudansa pa traha nan tareanan. E guia aki ta apto tambe pa muchanan ku no tin tarea di skol, pero si tin mester di èkstra yudansa ku algun vak di skol. Si e mucha no a haña tarea di skol, nos lo perkura pa e tin tareanan ku e por traha. Nos ta trata na usa e métodonan di e skol di e mucha mas tantu ku ta posibel.
Guia pa tarea di skol den kombinashon ku guia den grupo ta pa muchanan ku ta bai skol basiko i e promé klas di skol sekundario. Nos ta traha den grupo chikitu, kaminda tin máksimo 4 mucha pa kada guiadó. Di e manera akí nos por parti nos atenshon mas mihó pa kada mucha. Pa mas infòrmashon primi aki.
Tambe bo por skohe pa guia pa tarea di skol individual, kaminda tin un guia pa un mucha. Esaki por tuma liga serka nos na huntu of kaminda e alumno ta. E guia por yuda entre otro ku plania e tareanan di skol, duna splikashon pa klarifika e tareanan i yuda kon pa siña e tareanan ku tinku siña mihó.
Guia pa famia
Si tin un mucha den un famia ku ta rekeri èkstra atenshon, esaki tin influensia riba henter e famia. E mucha por bai skol spesial òf haña èkstra guia, pero guia pa e famia tambe por ta agradabel. Mayornan ke lo mehor pa nan yu, pero tin bia tin falta di e konosementu nesesario pa por yuda. Pa mucha por ta bon si na kas tambe e por haña e struktura i klaridat. Pa mayornan i sobra famia i e yu ta agradabel tambe si bo por komprondé otro mihó. Guia pa famia ta pa henter famia. E guia ta konsisti di interkambio di informashon tokante e problemanan, abilidatnan praktiko, duna struktura i un hende pa skucha bo komo mayor. E guia ta adaptá na e situashon di e famia i e yu.
Guia pa alumno
Tin alumno ku mester di un èkstra ayudo pa por progesa den enseñansa. E guia por yuda klarifiká e programa di dia, e reglanan di klas i di skol, kon pa nota e tareanan di skol pa traha na kas, organisashon di artikulonan di skol i traha i siña tareanan na skol òf kas. E guia pa alumno individual por ta na skol, kas of na huntu. E guia pa alumno por ta den grupo tambe den kombinashon ku guia pa tareanan di skol pa kas.
Guia pa maestro
Tin bia un dosente tambe por tin e nesesidat pa èkstra yudansa of faltakonosementu pa por yuda un alumno mas mihó. Nos ta ofrese siko-edukashon pa dosentenan pa asina nan tin mas konosementu pa por uda un alumno mihó. Tambe nos por ofrese ayudo pa optimalisá un klas, reglanan di klas, programma di dia òf indikashon di tempu. Di e manera aki ta krea un ambiente mas trankil i bon ordena pa e alumno. Nos por aportá na e plan di kuido di un alumno mirando ku nos ta ofrese ayudo na midí. E guia por ta individual pa un dosente òf den grupo pa mas ku un dosente.
Rekurso
Time Timer
Huntu ta e distribuidó rekonosé di e produktonan di Time Timer pa Aruba, Boneiru i Kòrsou.
Pa usa un Time Timer no ta nesesario di por wak oloshi. Tempu ta algu abstrakt ku no ta bon klá pa tur hende. Ora usa e Time Timer, grandi i chikí por mira kuantu tempu mas falta pa medio di e disko di koló. Asina e disko di koló disparsé i e oloshi ta kompletamente blanku ta nifiká ku e tempu a pasa. Na momentu ku e tempu a pasa por skohe pa laga e oloshi pita. Un otro bentaha di Time Timer ta ku bo no ta skuch’é kana manera un oloshi. Pa mas infòrmashon primi aki.
